कोभिड–१९ प्रभावित व्यवसायलाई बजेटका यस्ता छन् छूट
_1622283942.jpg)
सरकारले आगामी आर्थिक वर्ष २०७८/८९ को बजेटमार्फत् कोभिड–१९ प्रभावित विभिन्न व्यवसायलाई करमा छूट तथा सहुलियतको घोषणा गरेको छ ।
जसअनुसार, रु. २० लाखसम्मको कारोबार वा दुई लाखसम्म आय हुने करदाताले तिर्नुपर्ने करमा आगामी आर्थिक वर्षमा ९० प्रतिशत छूट दिइने छ ।
त्यसैगरी, रु. २० लाखदेखि ५० लाखसम्म कारोबार भएका करदातालाई तिर्नुपर्ने करमा ७५ प्रतिशत तथा रु. एक करोडसम्म कारोबार भएका करदातालाई लाग्ने आयकरमा ५० प्रतिशत छूट दिइने व्यवस्था आर्थिक अध्यादेशले गरेको छ ।
बजेटले कोभिडबाट प्रभावित होटल, ट्रेकिङ, ट्राभल्स, यातायात, पार्टी प्यालेस, हवाई सेवा, चलचित्र उद्योग र सञ्चार गृहलाई करयोग्य आयमा १ प्रतिशत मात्र कर लाग्ने र ती व्यवसायको नोक्सानी सार्न मिल्ने अवधि १० वर्ष बनाएको छ ।
आर्थिक अध्यादेशअनुसार, कोरोना संक्रमण नियन्त्रण, रोकथाम तथा उपचार गर्न सरकारद्धारा स्थापित कोषमा कुनै व्यक्ति वा कम्पनीले योगदान गरेमा उक्त रकम करयोग्य आय गणना गर्दा घटाउन पाउने छ ।
बजेटले उद्योगले इन्धन खरीद गर्दा मूल्य अभिवृद्धि कर (भ्याट) फिर्ता पाउने नीति फेरि शुरु गरेको छ । करदाताको करयोग्य कारोबारमा प्रयोग भएको डिजेल र ग्यासको खरीदमा तिरेको भ्याट कट्टी गर्न पाउने व्यवस्था गरेको छ ।
बजेटले कोभिड–१९ का संक्रमितको उपचारका लागि आयात गरिने विभिन्न उपकरण तथा सामग्रीमा कर छूट दिएको छ । जसअनुसार, अक्सिजन ग्यास, लिक्विड अक्सिजन, अक्सिजन सिलिण्डर, कोरोनासँग सम्बन्धित औषधि, उपकरण आयातमा आगामी पुस मसान्तसम्म भ्याट, अन्तःशुल्क तथा भन्सार महशुल छूट दिइएको छ ।
-1732353496.jpg)
-1732261651.jpg)