सीसीएमसीको सीईओमा पूर्वरथी बालानन्द शर्मा नियुक्त
सरकारले कोभिड–१९ संकट व्यवस्थापन केन्द्र (सीसीएमसी)को प्रमुख कार्यकारी अधिकृत (सीईओ) मा पूर्वरथी बालानन्द शर्मालाई नियुक्त गरेको छ।
मन्त्रिपरिषद्को बैठकले पूर्वरथी शर्मालाई सीसीएमसीको सीईओ नियुक्त गरेको प्रधानमन्त्री केपी शर्मा ओलीका परराष्ट्र मामिला सल्लाहकार राजन भट्टराईले जनाएका छन्।
सोमबार साँझ बसेको मन्त्रिपरिषद् बैठकले पूर्वरथी शर्मालाई सीईओ नियुक्त गर्ने निर्णय गरेको हो। सेना समायोजनमा शर्माको मुख्य भूमिका रहेकाे थियाे।
सरकारले कोरोना नियन्त्रण तथा रोकथामका लागि अध्यादेश मार्फत सीसीएमसीको पुनर्गठन गरेको छ। अब प्रधानमन्त्रीको नेतृत्वमा सीसीएमसी निर्देशक समिति रहनेछ।
यसअघि सीसीएमसीको नेतृत्व उपप्रधानमन्त्री ईश्वर पोखरेलले गरिरहेका थिए। उनी अब सीसीएमसीका सदस्य रहनेछन्।
-1732261651.jpg)
-1732259528.jpg)
-1732180391.jpg)