कोरोनाबाट अहिलेसम्मकै धेरैको मृत्यु, एकै दिन २४६ जनाले ज्यान गुमाए
कोरोनाभाइरसको संक्रमणबाट एक दिनमा मृत्यु हुनेको संख्या अहिलेसम्मकै बढी हो। आज २४६ जनाले ज्यान गुमाएका छन्।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा २४६ जना कोरोना संक्रमितको ज्यान गएको हो। यसअघि २८ वैशाखमा सबैभन्दा बढी २२५ जनाको ज्यान गएको थियो। योसँगै कोरोनाबाट मृत्यु हुनेको संख्या ५ हजार ६ सय ५७ पुगेको छ।
त्यस्तै, पछिल्लो २४ घण्टामा ८ हजार १७३ जनामा कोरोनाको संक्रमण पुष्टि भएको स्वास्थ्य मन्त्रालयले जनाएको छ। योसँगै नेपालमा संक्रमितको संख्या ४ लाख ८० हजार ५२७ पुगेको छ।
कोरोनाबाट निको हुनेको संख्या भने बढेको छ। आज ७ हजार ९८९ जना निको भएका छन्। मंगलबार ६ हजार ८९१ जना निको भएका थिए।
-1732261651.jpg)
-1732259528.jpg)
