आज थप ९ हजार २४७ मा कोरोना, २१४ जनाको मृत्यु
आज देशभर ९ हजार २४७ जनामा कोरोनाभाइरसको संक्रमण देखिएको छ भने २१४ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा २२ हजार ८७ जनाको स्वाब परीक्षण गर्दा ९ हजार २४७ जनामा कोरोना संक्रमण पुष्टि भएको हो। केही दिन संक्रमित थपिने क्रम घटेको देखिएको थियो भने आज परीक्षण बढाउँदा संक्रमितको संख्या पनि बढेको छ।
आज थपिएकामध्ये २१ हजार ६५३ जनाको पीसीआर परीक्षण गर्दा ९ हजार १९८ र ४३४ जनाको एन्टिजेन परीक्षण गर्दा ४९ जनामा कोरोना देखिएको हो।
योसँगै नेपालमा कोरोना संक्रमतिको संख्या ४ लाख ६४ हजार २१८ पुगेको छ। त्यस्तै, सक्रिय संक्रमितको संख्या पनि १ लाख १३ हजार ४८९ पुगेको छ।
त्यस्तै, कोरोनाबाट पछिल्लो २४ घण्टामा २१४ जनाको मृत्यु भएको छ। योसँगै कोरोनाबाट मृत्यु हुनेको संख्या ५ हजार २१५ पुगेको छ।
पछिल्लो २४ घण्टामा ५ हजार ७६७ जना निको भएका छन्। निको हुनेको संख्या पनि ३ लाख ४५ हजार ५२३ पुगेको छ।
-1732261651.jpg)
-1732259528.jpg)
