जसपा संसदीय दलको नेता बने राजेन्द्र महतो
जनता समाजवादी पार्टी (जसपा) संसदीय दलको नेतामा वरिष्ठ नेता राजेन्द्र महतो चयन भएका छन्।
जसपा संसदीय दलको बिहीबार बसेको बैठकले उनलाई संसदीय दलको नेता चयन गरेको अध्यक्ष महन्थ ठाकुर पक्षका एक सांसदले बताए। संसदीय दलको नेता चयन भएको भन्दै ठाकुरले सामाजिक सञ्जाल मार्फत बधाई समेत दिएका छन्। ठाकुरको फेसबूक पेजमा लेखिएको छ, “जसपा नेपालका वरिष्ठ नेता राजेन्द्र महतोजी संसदीय दलको नेता चयन हुनुभएकोमा बधाई छ।”
जसपाका ३४ मध्ये १९ सांसदले महतोलाई संसदीय दलको नेता बनाउने निर्णयमा हस्ताक्षर गरेका छन्। जसपाका अर्का अध्यक्ष उपेन्द्र यादव, संघीय परिषद् अध्यक्ष बाबुराम भट्टराई पक्षलाई भने यो बैठकबारे जानकारी दिइएको थिएन।
संसद् सचिवालयका प्रवक्ता रोजनाथ पाण्डेले भने महतोलाई दलको नेता चयन गरेको पत्र सचिवालयमा आइनसकेको बताए।
-1732180391.jpg)
-1732099242.jpg)