यस्तो छ संसद्‍मा ‘हुन्छ, हुन्न र दिन्नँ’को लबी (तस्वीरहरू)

प्रधानमन्त्री केपी शर्मा ओलीले संसद्‍मा पेश गरेको विश्वासको मतको प्रस्तावमा मतदानका लागि ‘हुन्छ, हुन्न र दिन्नँ’ गरी तीन स्थान छुट्याइएको छ।

संसद् सचिवालयका अनुसार, सांसदहरूलाई मतदान गर्न तीन लबीमा व्यवस्था गरिएको हो। प्रधानमन्त्री ओलीलाई मत दिनले ‘हुन्छ’ भन्ने लबीमा, विपक्षमा मत दिनले ‘हुन्न’ भन्ने लबीमा र मत नदिने सांसदले ‘दिन्नँ’ भन्ने लबीमा गएर मतदान गर्नुपर्नेछ।

त्यस्तै, कोरोनाभाइरस संक्रमित सांसदका लागि ल्होत्से हलमा मतदानको व्यवस्था गरिएको छ। प्रधानमन्त्री ओलीले पेश गरेको विश्वासको मतको प्रस्ताव आजै टुंग्याइनेछ।