आज थप ८ हजार ८५० जनामा कोरोना, ५२ को मृत्यु
आज थप आठ हजार ८५० जनामा कोरोनाभाइरसको संक्रमण देखिएको छ भने ५२ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा १८ हजार २९३ जनाको स्वाब परीक्षण गर्दा आठ हजार ८५० जनामा कोरोना संक्रमण पुष्टि भएको हो। जसमध्ये १८ हजार ७८७ जनाको पीसीआर परीक्षण गर्दा आठ हजार ७७७ र ५०६ जनाको एन्टिजेन परीक्षण गर्दा ७३ जनामा संक्रमण देखिएको हो।
त्यस्तै, पछिल्लो २४ घण्टामा कोरोना संक्रमणबाट ५२ जनाको मृत्यु भएको छ। यसअघि मृत्यु भएका ३६ जना संक्रमितको संख्या पनि आज जोडिएको छ। सबै गरेर नेपालमा कोरोनाबाट मृत्यु हुनेको संख्या तीन हजार ७२० पुगेको छ।
अहिले देशभर सक्रिय संक्रमितको संख्या ८८ हजार १६० पुगेको छ। जसमध्ये ८१ हजार ४३० जना होम आइसोलेसनमा र ६ हजार ७३० जना संस्थागत आइसोलेसनमा छन्।
-1732261651.jpg)
-1732259528.jpg)
