आज थप ८ हजार ४१८ जनामा कोरोना, ५३ को मृत्यु
देशभर थप आठ हजार ४१८ जनामा कोरोनाभाइरसको संक्रमण देखिएको छ भने ५३ जनाको मृत्यु भएको छ।
स्वास्थ्य तथा जनसंख्या मन्त्रालयका अनुसार, पछिल्लो २४ घण्टामा १८ हजार ३०४ जनाको स्वाब परीक्षण गर्दा आठ हजार ४१८ जनामा कोरोना देखिएको हो। जसमध्ये १७ हजार ३१५ जनाको पीसीआर परीक्षण गर्दा आठ हजार २८७ र ९८९ जनाको एन्टिजेन परीक्षण गर्दा १३१ जनामा कोरोना संक्रमण पुष्टि भएको हो।
आज शुक्रबारको तुलनामा तीन हजार कम परीक्षण गरिएको छ। जसले गर्दा संक्रमितको संख्या पनि घटेको देखिएको छ।
योसँगै नेपालमा कोरोना संक्रमितको संख्या तीन लाख ८५ हजार ९८० पुगेको छ। सक्रिय संक्रमितको संख्या पनि ८३ हजार ४९३ पुगेको छ।
त्यस्तै, कोरोनाबाट पछिल्लो २४ घण्टामा ५३ जनाको ज्यान गएको छ। योसँगै कोरोनाबाट ज्यान गुमाउनेको संख्या तीन हजार ६३२ पुगेको छ।
यस्तै, पछिल्लो २४ घण्टामा तीन हजार ३७० जना निको भएका छन्। योसँग अहिलेसम्म कोरोनाबाट निको हुनेको संख्या दुई लाख ९८ हजार ७६५ पुगेको छ।
-1732261651.jpg)
-1732259528.jpg)
