कोरोनाका सक्रिय संक्रमितको संख्या ५० हजार नाघ्यो
देशमा कोरोनाभाइरस (कोभिड-१९) का सक्रिय संक्रमितको संख्या ५० हजार नाघेको छ।
सोमबार ७ हजार ४४८ जनामा संक्रमण पुष्टि भएसँगै सक्रिय संक्रमितको संख्या ५४ हजार ४१ पुगेको छ।
पछिल्लो २४ घण्टामा १७ हजार १७६ जनाको नमूना परीक्षण गर्दा ७ हजारभन्दा बढीमा संक्रमण पाइएको हो।
१ वैशाखमा देशभर कोरोनाभाइरसका सक्रिय संक्रमित जम्मा ४ हजार ५६ रहेकोमा तीन सातामा ५० हजारको आँकडा नाघेको छ।
सोमबार संक्रमणबाट ३७ जनाको मृत्यु भएको छ भने २ हजार २१ जना संक्रमणमुक्त भएका छन्। निको हुने दर ८३ दशमलव ३ प्रतिशत रहेको स्वास्थ्य तथा जनसंख्या मन्त्रालयले जनाएको छ।
देशभर हालसम्म ३ लाख ४३ हजार ४१८ जनामा कोरोना संक्रमण पुष्टि भएको छ। तीमध्ये २ लाख ८६ हजार १५ जना संक्रमणमुक्त भएका छन्।
-1732261651.jpg)
-1732259528.jpg)
