७ हजार २११ जनामा कोरोना संक्रमण पुष्टि, २७ जनाको मृत्यु
नेपालमा अहिलेसम्मकै उच्च संख्यामा कोरोनाभाइरसका संक्रमित भेटिएका छन्। पछिल्लो २४ घण्टामा ७ हजार २११ जनामा संक्रमित थपिएका हुन्।
१६ हजार ७७० जनाको परीक्षण गर्दा ४३ प्रतिशतमा संक्रमण पुष्टि भएको हो।
यसअघि शनिबार पनि नयाँ संक्रमितको संख्याले रेकर्ड राखेको थियो। शनिबार पाँच हजार ७६३ संक्रमित थपिएका थिए।
नयाँ संक्रमित थपिएसँगै देशभर सक्रिय संक्रमितको संख्या ४८ हजार ७११ पुगेको छ।
आइतबार संक्रमणबाट २७ जनाको मृत्यु भएको छ भने एक हजार ६१२ जना संक्रमणमुक्त भएका छन्।
नेपालमा संक्रमणबाट मृत्यु हुनेको संख्या तीन हजार ३२५ पुगेको छ।
हालसम्म देशमा तीन लाख ३६ हजार ३० जनामा कोरोना संक्रमण देखिएको छ भने तीमध्ये दुई लाख ८३ हजार ९९४ जना संक्रमणमुक्त भइसकेका छन्।
-1732261651.jpg)
-1732259528.jpg)
