कोरोना संक्रमणबाट ५ जनाको मृत्यु, थपिए २४ सय २८ संक्रमित
देशभर थप २ हजार ४२८ जनामा कोरोनाभाइरसको संक्रमण भएको छ। पछिल्लो २४ घण्टामा १० हजार ४४८ जनाको रियल टाइम पीसीआर र एन्टीजेन विधिबाट परीक्षण गर्दा २४ सयभन्दा बढीमा संक्रमण पुष्टि भएको हो।
नयाँ संक्रमितमध्ये २० देखि २९ वर्षका मानिसको संख्या सबैभन्दा धेरै ५७५ छ। त्यसपछि ३० देखि ३९ वर्षका ५५५ जनामा संक्रमण देखिएको हो।
बिहीबार थपिएका संक्रमितसँगै देशमा सक्रिय संक्रमितको संख्या १२ हजार ६९० पुगेको स्वास्थ्य तथा जनसंख्या मन्त्रालयले जनाएको छ।
बितेको २४ घण्टामा कोरोना संक्रमणबाट पाँच जनाको मृत्यु भएको छ भने २५२ जना संक्रमणमुक्त भएका छन्। देशमा हालसम्म संक्रमणका कारण ज्यान गुमाउनेको संख्या ३ हजार ११७ पुगेको छ।
कोरोनाभाइरसबाट बिहीबार दिउँसोसम्म देशभर २ लाख ९२ हजार १५२ जनामा संक्रमण पुष्टि भएको छ, जसमध्ये २ लाख ७६ हजार ३४५ जना संक्रमणमुक्त भइसकेका छन्।
-1732261651.jpg)
-1732259528.jpg)
