थप २३ सयमा कोरोना संक्रमण, सक्रिय संक्रमितको संख्या १० हजार नाघ्यो
देशभर पछिल्लो २४ घण्टामा २ हजार ३५१ कोरोनाभाइरस संक्रमित थपिएका छन्। पीसीआर र एन्टीजेन विधिबाट ९ हजार ६४७ जनाको परीक्षण गर्दा २३ सयभन्दा बढीमा संक्रमण पुष्टि भएको हो।
बुधबार थपिएका संक्रमितसँगै नेपालमा कोरोनाका सक्रिय संक्रमितको संख्या १० हजार नाघेको छ। स्वास्थ्य तथा जनसंख्या मन्त्रालयका अनुसार, सक्रिय संक्रमितको संख्या १० हजार ५८२ पुगेको छ।
पछिल्लो २४ घण्टामा संक्रमणबाट १० जनाको मृत्यु भएको छ। अद्यावधिक विवरण अनुसार देशभर संक्रमणबाट मृत्यु हुनेको संख्या ३ हजार ११२ पुगेको छ।
बुधबार २८७ जना संक्रमणमुक्त भएका छन्। हालसम्म देशभर २ लाख ८९ हजार ७८७ जनामा कोरोना संक्रमण भएकोमा २ लाख ७६ हजार ९३ जना संक्रमणमुक्त भइसकेका छन्।
-1732261651.jpg)
-1732259528.jpg)
