कोरोना संक्रमणबाट ११ जनाको मृत्यु, थपिए १७३६ संक्रमित
पछिल्लो २४ घण्टामा कोरोनाभाइरसको संक्रमणबाट ११ जनाको मृत्यु भएको छ।
आज थपिएका मृतकसँगै नेपालमा कोरोना संक्रमणबाट ज्यान गुमाउनेको संख्या तीन हजार १०२ पुगेको छ।
स्वास्थ्य तथा जनसंख्या मन्त्रालयका अनुसार, मंगलबार देशभर एक हजार ७३६ जना नयाँ संक्रमित थपिएका छन्। बितेको २४ घण्टामा आठ हजार ७३८ जनाको पीसीआर र एन्टीजेन विधिबाट परीक्षण गर्दा एक हजार ७३६ जनामा संक्रमण पुष्टि भएको हो।
पछिल्लो केही दिनयता नेपालमा कोरोना संक्रमण दैनिक बढिरहेको छ। आइतबार एक हजार ९६ जनामा संक्रमण पुष्टि भएको थियो भने सोमबार एक हजार २८१ जना संक्रमित भेटिएका थिए।
थपिएका नयाँ संक्रमितसँगै कुल सक्रिय संक्रमितको संख्या आठ हजार ६५९ पुगेको छ।
मंगलबार २५१ जना संक्रमणमुक्त भएका छन्।
-1732261651.jpg)
-1732259528.jpg)
