देशभर थप १२२७ जनामा कोरोना संक्रमण, आठको मृत्यु
देशभर पछिल्लो २४ घण्टामा कोरोनाभाइरसका एक हजार २२७ जना नयाँ संक्रमित थपिएका छन्।
स्वास्थ्य तथा जनसंख्या मन्त्रालयका अनुसार, सात हजार ५४८ जनाको परीक्षण गर्दा ७७१ पुरुष र ४५६ महिलामा संक्रमण पुष्टि भएको हो।
बितेको २४ घण्टामा संक्रमणबाट आठ जनाको मृत्यु भएको छ। योसँगै देशमा कोरोना संक्रमणबाट ज्यान गुमाउनेको संख्या तीन हजार ९१ पुगेको छ।
सोमबार २५५ जना संक्रमित निको भएको स्वास्थ्य मन्त्रालयले जनाएको छ।
नयाँ थपिएका संक्रमितसँगै देशभर कोरोनाका सक्रिय संक्रमितको संख्या सात हजार २५४ पुगेको छ। पछिल्ला दिनमा नयाँ संक्रमित थपिने दर दैनिक रूपमा बढिरहेको छ। आइतबार मात्र एक हजारभन्दा बढीमा संक्रमण पुष्टि भएको थियो।
हालसम्म नेपालमा दुई लाख ८५ हजार ९०० जनामा संक्रमण देखिएकोमा दुई लाख ७५ हजार ५५५ जना संक्रमणमुक्त भइसकेका छन्।
-1732261651.jpg)
-1732259528.jpg)
