नयाँ वर्षको अवसरमा एनसेलको 'डबल' योजना
_(1)_(1).jpg)
नयाँ वर्ष २०७८ को अवसरमा एनसेलले डबल योजना ल्याएको छ। यस याेजना अन्तर्गत डेटा प्याकको खरीदमा बोनस स्वरूप डबल डेटा पाइनेछ।
ग्राहकलाई सुलभ दरमा डेटा सेवा प्रदान गर्न यो योजना ल्याइएको एनसेलले जनाएको छ। यसमा १ देखि ३० दिनसम्मका विभिन्न डेटा प्याक खरीदमा डबल डेटा पाइने भएको हो।
रू.४९९ मा ३० दिनका लागि १० जीबी डेटा प्याकको खरीद गर्दा थप १० जीबी डेटा बोनस पाइनेछ। बोनस डेटा पनि ३० दिनका लागि मान्य हुनेछ।
त्यस्तै रू.१३९ मा १४ दिनका लागि २ जीबी डेटा प्याकको खरीदमा ४ जीबी डेटा पाइनेछ। यसैगरी ३ दिनका लागि ४०० एमबी डेटा प्याक र १ दिनका लागि १५० एमबी डेटा प्याक खरीद गर्दा दोब्बर डेटा पाइनेछ।
यो योजना अन्तर्गत रू. ५० भन्दामाथि हरेक रिचार्जमा उपहार स्वरूप बोनस डेटा पाइने भएको छ। रू.५० देखि ९९ को रिचार्जमा ५० एमबी, रू.१०० देखि १९९ मा १०० एमबी, रू.२०० देखि २९९ सम्म २०० एमबी र रू.३०० देखि ४९९ सम्मको रिचार्ज खरीदमा ३०० एमबी डेटा बोनस पाइनेछ।
त्यसैगरी रू.५०० देखि ९९९ को रिचार्जमा ५०० एमबी र रू.१००० वा सोभन्दा बढीको रिचार्जमा १००० एमबी डेटा बोनस आउने एनसेलले जनाएको छ। यो योजना १४ वैशाखसम्म सञ्चालन हुनेछ।
-1732353496.jpg)
-1732261651.jpg)