वर्ल्डलिंकको सद्भावना दूतमा शृंखला
इन्टरनेट सेवा प्रदायक कम्पनी वर्ल्डलिंक कम्युनिकेसनको सद्भावना दूतमा शृंखला खतिवडा नियुक्त भएकी छन्।
खतिवडा मिस नेपाल-२०१८ की विजेता हुन्। वर्ल्डलिंक कम्युनिकेसन लिमिटेडका प्रमुख कार्यकारी अधिकृत केशव नेपालले विश्वस्तरीय इन्टरनेट सेवा दिन सधैं प्रयासरत वर्ल्डलिंकले २५औं वार्षिकोत्सवका अवसरमा सद्भावना दूतका रूपमा खतिवडालाई नियुक्त गरेको बताए।
सद्भावना दूतका लागि सम्झौतामा हस्ताक्षर गरिसकेपछि शृंखलाले नेपालको अग्रणी ब्रोडब्यान्ड सेवा प्रदायकका रूपमा रहेको र नेपालभरि विस्तारित सेवा पुर्याइरहेको कम्पनीकाे सद्भावना दूत हुन पाएकामा खुशी लागेको बताइन्।
सद्भावना दूत सम्झौता हस्ताक्षर कार्यक्रममा वर्ल्डलिंकका अध्यक्ष दिलीप अग्रवाल, वर्ल्डलिंकका बोर्ड निर्देशक मनोज अग्रवाल, सीईओ केशव नेपालको समेत उपस्थिति थियो।
-1732353496.jpg)
-1732261651.jpg)