बिग बाग लिगमा सन्दीपको पहिलो खेल आज
नेपाली स्पिनर सन्दीप लामिछानेले बिग बास लिगको आफ्नो पहिलो खेल आज खेल्दैछन् ।
सन्दीप यो प्रतियोगिताका लागि दुई साताअघि अस्ट्रेलिया पुगेर आइसोलेसनमा बसेका थिए । त्यसअघि उनमा नेपालमै कोभिड–१९ पोजेटिभ देखिएको थियो ।
कोरोनाकै कारण सन्दीप ढिलोगरि अस्ट्रेलिया पुगेका थिए ।
डिसेम्बर १० बाट शुरु भएको बिग बास लिगमा सन्दीप यसवर्ष होबर्ट हुरिकेन्स टिमसँग आबद्ध छन् । होबर्टले अहिलेसम्म ६ खेल खेलेर चार जितसहित अंकतालिकामा तेस्रो छ ।
शनिबार अघिल्लो संस्करणमा आफै आबद्ध टोली मेलबर्न स्टार्सविरुद्ध सन्दीपले बलिङ गर्नेछन् ।
गएको सेप्टेम्बरमा क्यारेबियन प्रिमियर लिगमा सहभागी भएयता सन्दीपले खेल्न गइरहेको यो पहिलो फ्रेञ्चाइज लिग हो ।
गत नोभेम्बरमा आयोजित इन्डियन प्रिमियर लिगमा भने सबै समर्थकलाई स्तब्ध पार्दै दिल्लि क्यापिटल्सले सन्दीपलाई पूरै अवधि बेञ्चमै थन्काएको थियो ।
-1732261651.jpg)
-1732259528.jpg)