शीर्ष स्थानको लिभरपुल रेलिगेसन जोनको वेस्ट ब्रोमसँग बराबरीमा रोकियो
इङ्लिस प्रिमियर लिग अन्तर्गत गए राति भएको खेलमा शीर्ष स्थानको लिभरपुलले रेलिगेसन जोनको वेस्ट ब्रोमविच एल्बिअनसँग १-१ गोलको बराबरी खेलेको छ।
घरेलु मैदान एनफिल्डमा भएको खेलमा लिभरपुलले १२औँ मिनेटमा नै अग्रता लिएको थियो। लिभरपुलका लागि साडिओ मानेले गोल गरेका थिए। तर, त्यसपछि लिभरपुलले कुनै गोल गर्न सकेन।
वेस्ट ब्रोमले ८२औँ मिनेटमा गोल फर्कायो। उसका लागि सेमी अजयीले गोल गरेका थिए। वेस्ट ब्रोमका किपर जोनस्टोनले खेलको अन्त्यतिर रोबर्टो फर्मिनोको प्रहारलाई सानदार बचाउ गर्दै टीमलाई हारबाट जोगाएका थिए।
लिभरपुल ३२ अंकसहित शीर्षस्थानमा यथावतै छ। ऊ दोस्रो स्थानको एभर्टनभन्दा तीन अंक अगाडि छ। उता वेष्ट ब्रोम भने आठ अंकसहित रेलिगेसन जोनको दोस्रो स्थानमा छ।
अर्को खेलमा टोटेनहम हट्स्परले पनि वोल्भरह्याम्टन वान्डरर्ससँग १-१ को बराबरी खेलेको छ। यो सिजन लामो समय अंक तालिकाको शीर्ष स्थानमा रहेको टोटेनहम पछिल्लो समय फितलो प्रदर्शन गर्दै तल झरेको छ। टोटेनहम २६ अंकसहित पाचौँ स्थानमा छ।
-1732261651.jpg)
-1732259528.jpg)