३ हजार ८२८ पीसीआर परीक्षण, ४८१ मा संक्रमण पुष्टि
पछिल्लो २४ घण्टामा नेपालमा ३ हजार ८२८ नमूनाको पीसीआर परीक्षण गरिएको छ। जसमा ४८१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
यससँगै हालसम्म मुलुकमा कोरोना संक्रमित हुनेको संख्या २ लाख ५८ हजार १८१ पुगेको छ। यस्तै, अहिलेसम्म १९ लाख ९ हजार ६५४ नमूनाको पीसीआर परीक्षण गरिएको मन्त्रालयले जनाएको छ।
स्वास्थ्य तथा जनसंख्या मन्त्रालयका अनुसार हाल मुलुकमा कोरोनाका सक्रिय संक्रमितको संख्या भने ६ हजार ४९३ रहेको छ। यसमध्ये संस्थागत आइसोलेसनमा ३४१६ र होम आइसोलेसनमा ३०७७ रहेका छन्।
यस्तै, सोही अवधिमा ७३१ जना संक्रमित निको भएका छन्। जम्मा संक्रमितमध्ये हालसम्म कोरोना संक्रमण निको हुनेको संख्या २ लाख ४९ हजार ८६३ पुगेको मन्त्रालयले जनाएको छ। हाल क्वारेन्टिनमा ३६९ जना रहेका छन्।
यस्तै, सोही अवधिमा नेपालमा ६ जना कोरोना संक्रमितको मृत्यु भएको छ। हालसम्म मुत्यु हुनेको संख्या १८२५ पुगेको छ।
-1732261651.jpg)
-1732259528.jpg)
