कर्णालीमा ९४ हजार पीसीआर परीक्षण, सात हजार ११३ जनामा संक्रमण
कर्णाली प्रदेशमा ९४ हजारभन्दा बढीको आरटी–पीसीआर विधिबाट कोरोना भाइरसको परीक्षण गरिएको छ। सामाजिक विकास मन्त्रालयको स्वास्थ्य सेवा महाशाखाले प्रदेशका चार प्रयोगशालामा गरी ९४ हजार ३८२ जनाको पीसीआर परीक्षण गरेको जनाएको छ।
कर्णालीमा प्रदेश अस्पताल, पशुपक्षी रोग अन्वेषण प्रयोगशाला, दैलेख अस्पताल, कर्णाली स्वास्थ्य विज्ञान प्रतिष्ठान जुम्ला र चौरजहारी सामुदायिक अस्पताल पश्चिम रुकुम प्रयोगशालामा पीसीआर विधिबाट कोरोनाको परीक्षण हुने गरेको छ। तीमध्ये सबैभन्दा बढी सुर्खेतबाट ४० हजार ५८ जनाको परीक्षण भएको छ।
महाशाखाका अनुसार जुम्लाबाट २७ हजार ९५५, दैलेखबाट ६ हजार ८२५ र चौरजहारीबाट १० हजार ३५०, भेरी अस्पताल बाँकेबाट ५७, राप्ती स्वास्थ्य विज्ञान प्रतिष्ठान दाङबाट २९, राष्ट्रिय जनस्वास्थ्य प्रयोगशाला टेकुबाट १७, नेपालगञ्ज मेडिकल कलेज कोहलपुरबाट दुई र कमलबजार प्रयोगशाला अछामबाट ८९ जनाको पीसीआर परीक्षण गरिएको छ।
महाशाखाद्वारा जारी विज्ञप्तिमा हालसम्म सात हजार ११३ जना सङ्क्रमित भएको उल्लेख छ। कर्णालीबाहेक अन्य प्रदेशका ५५० र भारतीय नागरिक पाँचसमेत गरी कुल सङ्क्रमितको सङ्ख्या सात हजार नाघेको हो।
त्यस्तै कोरोनामुक्त हुनेको सङ्ख्या ६ हजार ६५७ रहेको छ। कर्णाली प्रदेशमा सक्रिय सङ्क्रमितको सङ्ख्या २९४ रहेको तथा मृत्यु हुनेका सङ्ख्या २२ रहेको महाशाखाका स्वास्थ्य शिक्षा अधिकृत नवराज कँडेलले बताए।
-1732261651.jpg)
-1732259528.jpg)
