करिम बेन्जमा चम्किएपछि रियल च्याम्पियन्स लिगको अर्को चरणमा
रियल मड्रिड लिगचरणको आफ्नो अन्तिम खेलमा विजयी हुँदै च्याम्पियन्स लिगको अर्को चरणमा प्रवेश गरेको छ। रियलले घरेलु मैदानमा बोरुसिया मोएन्चेनग्लाडबाखलाई २-० गोलले पराजित गरेको छ।
रियलका लागि करिम बेन्जमाले दुई गोल गरे। दुवै गोल पहिलो हाफमा भएको थियो। यो खेलअघि रियल समूह ‘बी’ को तेस्रो स्थानमा थियो। उसलाई खेल जित्नै पर्ने दबाब थियो। जितसँगै समूहको शीर्षस्थानमा पनि पुगेको छ। यो समूहमा रहेको इन्टर मिलान भने समूह चरणबाटै बाहिरिएको छ।
त्यस्तै समूह ‘ए’ अन्तर्गत आफ्नो अन्तिम खेलमा विजयी भएपछि एट्लेटिको मड्रिड पनि दोस्रो चरणमा पुगेको छ। एट्लेटिकोले साल्जबर्गलाई २-० ले पराजित गरेको छ। यो समूहमा बायर्न म्यूनिख समूह विजेता बनेको छ।
गए राति भएको खेलमा यसअघिनै दोस्रो चरण पुगिसकेको म्यान्चेस्टर सिटी पनि विजयी भएको छ। सिटीले मार्सेलीलाई ३-० गोलले पराजित गरेको छ। सिटीका लागि फर्नान्डो टोरेस र सर्जिओ एगुएरोले गोल गरे। एक गोल मार्सेलीका खेलाडीले आत्मघाती उपहार दिएका थिए।
-1732261651.jpg)
-1732259528.jpg)