फिदिमको एक घरमा आगलागी, नगद र सुनसहित १३ लाख बराबरको क्षति
पाँचथरको फिदिम नगरपालिका–४ को एक घरमा मंगलबार साँझ आगलागी हुँदा रु.१३ लाख बराबरको क्षति भएको छ। आगलागीमा नगद र सुन पनि जेलर नष्ट भएको छ।
मङ्गलबार साँझ ६ बजे फिदिम–४ गढीका सोमनाथ ढकालको घरमा विद्युत सर्ट भई आगलागी भएको हो। आगलागीबाट ढकालको दुई तले कच्ची घर तथा घरमा रहेका सम्पूर्ण सामग्री, नगद करीब रु.एक लाख, पाँच तोला सुनसमेत जलेको जिल्ला प्रहरी कार्यालय पाँचथरले जनाएको छ।
आगलागी फिदिम नगरपालिकाका दुई वटा वारुण यन्त्रको सहायतामा सुरक्षाकर्मी, स्थानीयवासीलगायतले नियन्त्रणमा लिएका थिए।
-1732261651.jpg)
-1732259528.jpg)