वरिष्ठ गायक जगत मर्दन थापाको निधन
वरिष्ठ गायक जगत मर्दन थापाको ८४ वर्षको उमेरमा निधन भएको छ। केही समयअघि कोरोना संक्रमण भएका थापाको काठमाडौं थापाथलीस्थित नर्भिक अस्पतालमा उपचारका क्रममा सोमबार बिहान निधन भएको हो।
कोरोना संक्रमणपछि निको भइसकेका थापालाई श्वासप्रश्वासमा समस्या भएपछि अस्पताल भर्ना गरिएको थियो।
२०१८ सालमा 'माया लुकाई लुक्दैन' बोलको गीत भारतको कोलकातामा रेकर्ड गरेसँगै गायक थापाको गायन यात्रा शुरु भएको थियो। चार वर्षअघि नयाँ रेकर्डिङ गरेर उनको गीति अल्बम 'माया लुकाई लुक्दैन' सार्वजनिक भएको थियो।
आठ दशक पार गरेको उमेरमा पनि सक्रिय जीवन बाँच्दै आएका उनले पछिल्लो समय पनि गीत रेकर्ड गराउने क्रम टुटेको थिएन।
उनको सोमबार नै पशुपति आर्यघाटमा अत्येष्टि गरिने पारिवारिक स्रोतले जनाएको छ।
-1732261651.jpg)
-1732259528.jpg)
-1732180391.jpg)
