कोभिड–१९ को बहानामा अतिरिक्त शुल्क लिने अस्पताललाई कारबाही गर्ने स्वास्थ्य मन्त्रालयको चेतावनी
स्वास्थ्य तथा जनसङ्ख्या मन्त्रालयले कोभिड–१९ को बहानामा बिरामीसँग अतिरिक्त शुल्क नलिन अस्पतालहरुलाई निर्देशन दिएको छ। अतिरिक्त शुल्क लिए कारबाही गर्ने मन्त्रालयले चेतावनी पनि दिएको छ।
मन्त्रालयका सहप्रवक्ता डा. समीरकुमार अधिकारीले केही निजी अस्पतालले कोभिड–१९ को बहानामा बिरामीबाट अतिरिक्त शुल्क लिने गरेको पाइएकाले त्यस्तो शुल्क नलिन निर्देशन दिइएको जनाएका छन्। बिरामीसँग अतिरिक्त शुल्क लिएको पाइएमा त्यस्ता अस्पताललाई कानूनअनुसार कारबाही थालिने पनि उनले जारी गरेको सूचनामा उल्लेख छ।
“कोभिड–१९ को सन्र्दभमा केही निजी अस्पतालले सबै किसिमका सेवामा कोभिड–१९ को बहानामा अतिरिक्त शुल्क जोडेर लिने गरेको गुनासो पाइएकोप्रति मन्त्रालयको गम्भीर ध्यानाकर्षण भएको छ”, उनले जारी गरेको सूचनामा भनिएको छ, “कोभिड–१९ को सङ्क्रमणको समस्याले सबैलाई परेको यस्तो कठिन समयमा समेत केही निजी अस्पतालले बहिरङ्ग सेवालगायतका सबै किसिमका सेवामा केही प्रतिशत खर्च जोडेर शुल्क लिने काम नगर्न÷नगराउन अनुरोध छ।”
-1732353496.jpg)
-1732261651.jpg)