आर्सनललाई हराउँदै टोटेनहम शीर्षस्थानमा, पछ्याउँदै लिभरपुल
इङ्लिस प्रिमियर लिग अन्तरगत गए राति भएको खेलमा टोटेनहम हट्स्पर र लिभरपुल विजयी भएका छन्। टोटेनहमले आर्सनलाई २-० ले हराउँदै लिगको शीर्षस्थानमा उक्लिएको छ।
घरेलु मैदानमा टोटेनहमलाई १३औँ मिनेटमा नै हेङ मिन सोनको गोलबाट अग्रता मिलेको थियो। पहिलो हाफको इन्जुरी समयमा ह्यारी केनले दोस्रो गोल गर्दै जित दिलाएका छन्।
यो जितसँगै टोटेनहम २४ अंकसहित शीर्षस्थानमा उक्लिएको छ। यसअघि चेल्सी २२ अंकसहित शीर्षस्थानमा पुगेको थियो। हिजै भएको खेलमा वुल्भरह्याम्टन वान्भरर्सलाई ४-० ले पराजित गर्दै लिभरपुल २४ अंकसहित दोस्रो स्थानमा पुग्दा चेल्सी तेस्रोमा धकेलिएको छ।
लिभरपुल गोलअन्तरमा दोस्रो स्थानमा रहेको हो। त्यस्तै लेष्टर सिटी २१ अंकसहित चौँथो स्थानमा छ। चार वटै टीमले ११ खेल खेलिसकेका छन्।
हिजोको खेलमा वुल्भरह्याम्टनविरुद्ध प्रभावशाली जित निकाल्न मोहम्मद सलाह, जर्जिनियो विज्नाल्डम र जोएल मटिपले एक एक गोल गरे। वुल्भरह्याम्टनका नेल्सन सेमेडोले आत्मघाती गोल उपाहार दिएका थिए।
-1732261651.jpg)
-1732259528.jpg)