पीएम कप क्रिकेटका लागि सुदूरपश्चिमको छनोट तालिका सार्वजनिक, आठ जिल्ला सहभागी
प्रधानमन्त्री कप (पीएम) एकदिवसीय पुरुष तथा महिला क्रिकेट प्रतियोगिताका लागि सुदूरपश्चिमको प्रदेशस्तरीय छनोटको खेल तालिका सार्वजनिक भएको छ। प्रादेशिक छनौटमा आठ जिल्ला सहभागी हुनेछन्।
सुदूरपश्चिम प्रादेशिक क्रिकेट सङ्घले बुधबार खेल तालिका सार्वजनिक गरेको हो। सार्वजनिक खेल तालिकाअनुसार पुरुषको छनोट २७ मङ्सिरदेखि र महिलाको ४ पुसदेखि शुरु हुनेछ।
नेपाल क्रिकेट सङ्घका सुदूरपश्चिम सचिव तेजप्रकाश भट्टले पुरुषको छनोट प्रतियोगिता कञ्चनपुरको महेन्द्रनगर र महिलाको कैलालीको धनगढीमा सञ्चालन हुने जानकारी दिए। छनोटमा पुरुषतर्फ प्रदेशका आठ टोली तथा महिलातर्फ छ टोली सहभागी हुनेछन्।
पुरुषको २७ मङ्सिरमा हुने छनोटको पहिलो खेलमा अछाम र डोटी भिड्ने जनाइएको छ। यस्तै ४ पुसमा हुने महिलाको पहिलो खेलमा कैलाली र डोटी भिड्ने छन्। उक्त छनोटबाट अगामी ११ पुसदेखि सञ्चालन हुने प्रधानमन्त्री कप एकदिवसीय क्रिकेट प्रतियोगिताको लागि सुुदूरपश्चिमको टोली बनाइनेछ।
-1732261651.jpg)
-1732259528.jpg)