सल्यानमा बस दुर्घटना हुँदा २५ जना घाइते
सल्यान जिल्लाको कुमाख गाउँपालिका–२ खारखोलामा आज (बुधवार) दिउँसो करीब साढे ४ बजे बस दुर्घटना हुँदा २५ जना यात्रु घाइते भएका छन्। नेपालगञ्जदेखि रुकुमपश्चिमको चौरजहारी जाँदै गरेको ना ४ ख ६७१५ नम्बरको बस सडकदेखि करीब ३० मिटर तल खसेको प्रहरीले जनाएको छ।
बसमा सवार २५ जना घाइतेमध्ये गम्भीर घाइते भएका ६ जनालाई नेपालगञ्ज, ४ जनालाई चौरजहारी अस्पतालमा पठाइएको र बाँकी १९ जनाको स्थानीय स्वास्थ्य चौकीमा उपचार भइरहेको जिल्ला प्रहरी कार्यालय सल्यानले जनाएको छ।
सल्यानका प्रहरी प्रमुख डीएसपी गोविन्द थापाले बस चालक फरार रहेकाले दुर्घटनाको कारण पत्ता नलागेको र उनको खोजी कार्य भइरहेको जानकारी दिए। उनका अनुसार सो बसमा ४० जना यात्रु रहेका थिए।
-1732261651.jpg)
-1732259528.jpg)
-1732180391.jpg)
