काठमाडौं उपत्यकामा थपिए ५४८ जना संक्रमित
काठमाडौं उपत्यकामा पछिल्लो २४ घण्टायता ५४८ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार काठमाडौंमा ४२२, भक्तपुरमा ६५ र ललितपुरमा ६१ संक्रमित थपिएका हुन्।
देशभर भने १२२५ जना संक्रमित थपिएका छन्। यससँगै हालसम्म मुलुकमा कोरोना संक्रमित हुनेको संख्या २ लाख ३१ हजार ९७८ पुगेको छ।
पछिल्लो २४ घण्टामा १० हजार ४६० वटा नमूना पीसीआर परीक्षण गरिएको छ। यससँगै हालसम्म मुलुकमा कुल १७ लाख २७ हजार ८३६ वटा नमूना पीसीआर परीक्षण गरिएको मन्त्रालयको दाबी छ।
आज १४०४ जना संक्रमित निको भएका छन्। यससँगै हालसम्म कोरोना संक्रमण निको हुनेको संख्या २ लाख १२ हजार ५९० पुगेको मन्त्रालयले जनाएको छ।
मुलकमा कोरोनाका सक्रिय संक्रमितको संख्या १७ हजार ९०९ रहेको छ भने क्वारेन्टिनमा ६३२ जना रहेका छन्।
पछिल्लो २४ घण्टामा २५ जना कोरोना संक्रमितको मृत्यु भएको छ। यससँगै नेपालमा मृत्यु हुने कोरोना संक्रमितको संख्या १४७९ पुगेको छ।
-1732261651.jpg)
-1732259528.jpg)