छुट्टाछुट्टै दुर्घटनामा दुईजनाको मृत्यु २४ घाइते
उदयपुर र खोटाङमा भएका छुट्टाछुट्टै सवारी दुर्घटनामा दुईजनाको मृत्यु भएको छ । गएराति भएका दुर्घटनामा परि २४ जना घाइते छन् ।
काठमाण्डौंबाट दिक्तेलतर्फ जाँदै गरेको ना ४ ख ७४११ नम्बरको बस खोटाङको हलेसी तुवाचुङ नगरपालिका ७ रिठ्ठाबोटमा दुर्घटना हँुदा दिक्तेल रुपाकोट मझुवागढी नगरपालिका–७ का प्रजबहादुर राई (४०) को मृत्यु भएको छ ।
दुर्घटनामा चालक भक्तपुरका टिकाराम खत्री सहित १४ जना घाइते छन् । गम्भीर घाइते ६ जनालाई उपचारका लागि काठमाण्डौं पठाइएको प्रहरीले जनाएको छ ।
त्यस्तै उदयपुरको उदयपुरगढी १ विष्णुचौरमा स १ ज ५०६ नम्बरको बोलेरो जीप दुर्घटना हुँदा उदयपुरगढी १ मुर्मे निवासी ४५ वर्षीया केशरमाया परियारको मृत्यु भएको छ ।
१० जना घाइते भएका छन् । गम्भिर घाइते उदयपुरगढी १ कीे ३८ वर्षीया राधिका भुजेल र उनका छोरा १४ वर्षीय बिनोद भुजेललाई उपचारका लागि काठमाण्डौं लगिएको छ । अन्य घाइतेहरुको विराटनगर र उदयपुरमा उपचार भइरहेको प्रहरीले जनाएको छ ।
उदयपुरको लिम्चुङबुङ गाउपालिका ५ भित्तेढुंगामा सोमबार नै बा ८ च ७७७६ नम्बरको बोलेरो जीप दुर्घटना हुंदा ९ जना महिला र बालबालिका घाइते भएका थिए ।
-1732180391.jpg)
