मुगुको रोलगाउँमा आगलागीबाट पाँच घर जले, ३० लाखको क्षति
मुगुको खत्याड गाउँपालिका ३ रोलगाउँमा बिहीबार दिउँसो भएको आगलागीमा पाँच घर जलेर नष्ट भएका छन्।
आगलागीमा रोल गाउँका हस्तबहादुर शाही, होमबहादुर शाही, सुनकौरा सिंह, डबलबहादुर शाही र नरेन्द्रबहादुर शाहीको घर पूर्ण रुपमा जलेको जिल्ला प्रहरी कार्यालय मुगुका प्रहरी निरीक्षक नरेश विकले जानकारी दिए।
उनका अनुसार, बालबालिकाले आगो ताप्ने क्रममा आगलागी भएको प्रारम्भिक रिपोर्ट आएको छ। आगलागीको कारणबारे अनुसन्धान भइरहेको छ। आगोले जलेर सुनकौरा सिंह सामान्य घाइते भएकी छिन्।
आगलागीबाट रु.३० लाख बराबरकोे धनमाल नष्ट भएको अनुमान गरिएको जिल्ला प्रहरी कार्यालय मुगुले जनाएको छ।
श्रीकोट प्रहरी चौकीबाट खटिएको सुरक्षाकर्मीको टोली तथा श्रीकोट, सैन र रोलगाउँका स्थानीयको सहयोगमा करीब तीन घण्टा लगाएर आगो निभाइएको थियो।
-1732180391.jpg)
-1732099242.jpg)
