बालिका हत्याको विरोधमा महोत्तरीमा तनाव, प्रहरीले गोली चलायो
बालिका हत्याको बिरोधमा महोत्तरीको बर्दिबासमा भएको प्रर्दशनमा प्रहरीले गोली चलाएको छ। आइतबार साँझदेखि हराएकी हराएकी ६ वर्षीया बालिका गुलाब साह खातुनको सोमबार हत्या गरिएको अबस्थामा शव भेटिएको थियो।
हत्यापछि बोरामा हालेर फालेको अवस्थामा बालिकाको शव फेला परेपछि स्थानीयले बलात्कारपछि हत्या भएको दावी गर्दै प्रर्दशन गरेका हुन्। प्रदर्शनलाई नियन्त्रण गर्न प्रहरीले गोली चलाएको छ। प्रहरीको गोली लागेर बर्दिबास नगरपालिका वडा नम्बर १ का सञ्जय न्यौपाने घाइते भएका छन्।
कम्मरमुनी गोली लागेका न्यौपानेको बर्दिबासस्थित पिनाकल अस्पतालमा उपचार भइरहेको छ। बालिका हत्याको आशंकामा प्रहरीले महोत्तरीकै गौशाला नगरपालिका वडा नम्बर ५ स्थायी ठेगाना भएका अरुण कुमार साहलाई नियन्त्रणमा लिएको छ।
स्थानीय बासिन्दाले बालिकाको शव मुख्य सडकमा राखेर प्रर्दशन गरिरहेका छन्। प्रहरीले भने प्रदर्शनकारीले राजमार्ग अबरुद्ध गरी आन्दोलनलाई उग्र बनाएपछि स्थितिलाई नियन्त्रणमा लिन गोली चलाएको बताएको छ।
-1732180391.jpg)
-1732099242.jpg)