बन्द प्रशिक्षणमा बोलाइएका राष्ट्रिय क्रिकेट टीमका खेलाडीहरूको पीसीआरका लागि स्वाब संकलन
अभ्यासका लागि बन्द प्रशिक्षणमा बोलाइएका राष्ट्रिय क्रिकेट टीमका खेलाडीहरुको आज पीसीआर परीक्षणका लागि स्वाब संकलन गरिएको छ। कोरोना संक्रमणको जोखिमकाबीच अभ्यास शुरु गरेको नेपाल क्रिकेट संघ (क्यान) ले बन्द प्रशिक्षणमा सहभागि हुने खेलाडी, प्रशिक्षक र व्यवस्थापकहरूको स्वाब लिएको हो।
आज टीम मेम्बर, फिजियोथेरपी र प्रशिक्षक गरी १९ जनाको पीसीआर परीक्षणका लागि स्वाब लिइएको छ। यसैगरी १३ जना मेन्टेनेन्स स्टाफको पनि पीसीआर परीक्षण गरिने भएको छ। उनीहरुको पनि आज नै स्वाब लिइएको छ। सबैको पीसीआर परीक्षण कीर्तिपुरस्थित टीयु क्रिकेट मैदानमा भएको हो।
बन्द प्रशिक्षण भोली (बुधबार) बाट सुरु हुँदैछ। बन्द प्रशिक्षणका लागि क्यानले २२ जना खेलाडीलाई बोलाएको छ। कोरोना भाइरस महामारीको कारण नेपालले ९ महिनापछि बन्द प्रशिक्षण हुन लागेको हो। प्रशिक्षक जगत टमटाले प्रशिक्षण दिनेछन्। बन्द प्रशिक्षणका लागि कप्तान ज्ञानेन्द्र मल्ल, उपकप्तान दिपेन्द्रसिंह ऐरी, पारस खड्का, सन्दीप लामिछाने, शरद भेशवाकर, करण केसी, बसन्त रेग्मी, बिनोद भण्डरी र सोमपाल कामीलाई बोलाइएको छ।
यस्तै सुसन भारी, ललित नारायाण राजबंशी, आरिफ शेख, पवन सराफ, अविनास बोहरा, सुवास खकुरेल, रोहित कुमार पौडेल र कुशल मल्ललाई पनि प्रशिक्षणका लागि बोलाइएको छ। यसैगरी राशिद खान, कमल सिंह ऐरी, सन्दीप जोरा, किशोर महतो र भुवन कार्कीलाई पनि बन्द प्रशिक्षणमा बोलाइएको छ।
-1732261651.jpg)
-1732259528.jpg)