मोटरसाइकल दुर्घटनामा दुई जना प्रहरीको मृत्यु
रौतहट र बारामा भएका छुट्टाछुट्टै दुर्घटनामा दुई जना प्रहरीको मृत्यु भएको छ।
रौतहटको परोहा नगरपालिका–६ बसन्तपटी घर भई महानगरीय प्रहरी परिसर, काठमाडौं टेकुमा कार्यरत ३५ वर्षीय प्रहरी हवल्दार प्रवीण सिंहको रौतहटमा भएको मोटरसाइकल दुर्घटनामा मृत्यु भएको छ।
प्रह सिंह आफैंले चलाइरहेको ना ६ प ७४२२ नम्बरको मोटरसाइकल बौद्धिमाई नगरपालिका–९ सडकमा शनिबार साँझ अनियन्त्रित भई दुर्घटना भएको थियो। दुर्घटनामा गम्भीर घाइते सिंहलाई जिल्ला अस्पताल गौर पु¥याउेबित्तिकै चिकित्सकले मृत घोषणा गरेका थिए।
सिंहसँगै मोटरसाइकलमा रहेका बसन्तपटीकै ३५ वर्षीय राकेश सिंह घाइते भएका छन्। घाइते सिंहको पर्साको वीरगंजस्थित नेशनल मेडिकल कलेजमा उपचार भइरहेको जिल्ला प्रहरी कार्यालय रौतहटले जनाएको छ।
यसैगरी, बाराको कलैया उपमहानगरपालिका–१ घर भई पर्सा जिल्लाको खेस्राहा प्रहरी चौकीमा कार्यरत प्रहरी जवान राजकिशोर साहको पनि मोटरसाइकल दुर्घटनामा मृत्यु भएको छ।
बाराको लंगडाचोकबाट बरियारपुरतर्फ जाँदै गरेका साह चढेको ना ६२ प ३६७ नम्बरको मोटरसाइकल अनियन्त्रित भई महागढीमाई नगरपालिका ८ मा दुर्घटनाग्रस्त भएको थियो। साहको घटनास्थलमै मृत्यु भएको बारा प्रहरीले जनाएको छ।
साहसँगै मोटरसाइकलमा रहेका सञ्जयप्रसाद यादवलाई प्रहरीले उद्धार गरेको छ। यादवको उपचार भइरहेको बारा प्रहरीले बताएको छ।
-1732261651.jpg)
-1732259528.jpg)
