एकै दिन ५६९९ जना कोरोना संक्रमित निको भए, १६६९ जना थपिए
पछिल्लो २४ घण्टामा एकै दिन सबैभन्दा धेरै कोरोना संक्रमित निको भएका छन्। स्वास्थ्य तथा जनसंख्या मन्त्रालयका अनुसार आज ५६९९ जना निको भएका छन्। यससँगै हालसम्म मुलुकमा निको हुने कोरोना संक्रमितको संख्या १९९०२४ पुगेको छ।
मन्त्रालयका अनुसार आज १६६९ जना कोरोना संक्रमित थपिएका छन्। यससँगै हालसम्म मुलुकमा कोरोना संक्रमित हुनेको संख्या २२०३०८ पुगेको मन्त्रालयको दाबी छ।
यस्तै मुलुकमा हाल १९९६३ जना कोरोनाका सक्रिय संक्रमितहरू रहेका छन्। त्यसमध्ये ६३५१ जना संस्थागत आइसोलेसनमा र १३६१२ जना होम आइसोलेसनमा रहेका छन्।
मन्त्रालयका अनुसार आजको पीसीआर ८००३२ रहेको छ। यससँगै हालसम्म गरिएको पीसीआरको संख्या १६६००७५ पुगेको मन्त्रालयको दाबी छ।
हाल ६८६ जना क्वारेन्टिनमा रहेका छन् भने ३५९ जनाको आईसीयू र ६६ जनाको भेन्टिलेटरमा उपचार भइरहेको छ।
-1732261651.jpg)
-1732259528.jpg)