म्यानचेस्टर सिटीलाई हराउँदै टोटेनहम ईपीएलको शीर्ष स्थानमा
म्यानचेस्टर सिटीलाई २-० गोलले पराजित गर्दै टोटेनहम हट्स्पर इङ्लिस प्रिमियर लिग (ईपीएल) को शीर्षस्थानमा उक्लिएको छ।
घरेलु मैदानमा टोटनहमलाई जिताउन कोरियन खेलाडी हुङ मिन सुन र जियोभानी लो सेल्सोले गोल गरे। सुनले पाचौँ मिनेटमा नै टोटनहमलाई अग्रता दिलाएका थिए। सेल्सोले ६५औँ मिनेटमा गोल थपे।
जितपछि टोटनहमको नौ खेलबाट २० अंक छ। उति नै खेल खेलेको चेल्सीको १८ अंक छ। १८ अंक नै भएको लेस्टर सिटीले आठ खेल खेलेको छ। आठै खेल खेलेको म्यानचेस्टर सिटी १२ अंकसहित ११औँ स्थानमा छ।
ईपीएलकै अर्को खेलमा म्यानचेस्टर युनाइटेड विजयी भएको छ। म्यानुले घरेलु मैदानमा रेलिगेसन जोनमा रहेको वेष्ट ब्रोमविच एल्बिनलाई १-० गोलले पराजित गरेको छ। अंकतालिकामा म्यानु १३ अंकसहित नवौँ र एल्बिन तीन अंकसहित १८औँ स्थानमा छ।
-1732261651.jpg)
-1732259528.jpg)