काठमाडौं र ललितपुरका प्रहरी प्रमुख फेरिए, ३३ एसएसपीको सरुवा (सूचीसहित)
काठमाडौं र ललितपुरका प्रहरी प्रमुख फेरिएका छन्। गृह मन्त्रालयले शुक्रबार नेपाल प्रहरीका ३३ प्रहरी वरिष्ठ उपरीक्षक (एसएसपी)हरूको सरुवा गर्दै काठमाडौैं र ललितपुरका प्रहरी प्रमुख परिवर्तन गरेको हो।
महानगरीय प्रहरी परिसर काठमाडौंमा एसएसपी अकोश सिंह र ललितपुरमा किरण बज्राचार्यको सरुवा भएको छ। यसअघि काठमाडौंमा श्यामलाल ज्ञवाली र ललितपुरमा टेकप्रसाद राई प्रमुख थिए।
ज्ञवालीको प्रहरी प्रधान कार्यालय अन्तर्गत अपराध अनुसन्धान विभाग अपराध नियन्त्रण महाशाखा र राईको प्रहरी प्रधान कार्यालय कार्यविभाजन महाशाखामा सरुवा भएको छ।
यस्तै, ट्राफिक प्रहरी प्रमुख पनि फेरिएको छन्। महानगरीय ट्राफिक प्रहरी महाशाखाका प्रमुख, एसएसपी भीमप्रसाद ढकालको प्रहरी प्रधान कार्यालय सामुदायिक प्रहरी महाशाखामा सरुवा भएको छ भने ट्राफिक महाशाखामा एसएसपी जनक भट्टराईलाई सरुवा गरिएको छ। भट्टराई यसअघि प्रहरी प्रधान कार्यालय तालिम महाशाखामा थिए।
७ मंसिरदेखि लागू हुनेगरि एसएसपीहरूको सरुवा भएको प्रहरी प्रधान कार्यालयले जनाएको छ।
हेर्नुहोस् सरुवाको सूची:
-1732261651.jpg)
-1732259528.jpg)
