'पाताल लोक' का अभिनेता आसिफ बसराले गरे आत्महत्या
भारतीय अभिनेता आसिफ बसराले आत्महत्या गरेका छन्। हिमाचल प्रदेशको मैक्लोडगंजस्थित आफ्नो निवासमा बिहीबार उनी मृत भेटिएका हुन्।
हिमाचल प्रदेशका प्रहरीका अनुसार, पाँच वर्षदेखि हिमाचल प्रदेशमा बस्दै आएका उनले एक विदेशी महिला साथीसँग मिलेर रेस्टुरेन्ट चलाइरहेका थिए।
५३ वर्षीय बसराले पछिल्लो पटक यसै वर्ष आएका वेबसिरिज 'पाताल लोक' र 'होस्टेजेज' मा अभिनय गरेका थिए।
उनले सन् १९९३ मा भएको मुम्बई बम विस्फोटको घटनामा आधारित तथा अनुराग कश्यप निर्देशित फिल्म 'ब्ल्याक फ्राइडे' तथा २००२ को गुजरात दंगामा आधारित 'परजानिया' मा पनि काम गरेका थिए। यसका साथै उनले 'जब वी मेट', 'काई पो चे', 'क्रिश', 'वान्स अपन अ टाइम इन मुम्बई' लगायत फिल्ममा पनि देखिएका थिए।
उनी अंग्रेज़ी, हिन्दी र उर्दू थिएटरका पनि परिचित कलाकार थिए।
-1732259528.jpg)
-1732180391.jpg)
