चितुवाको छाला र अफिमसहित दुई जना पक्राउ
प्रहरीले दाङमा चितुवाको छाला र लागूऔषध अफिमसहित दुई जनालाई पक्राउ गरेको छ। घोराही उपमहानगरपालिका–१२ का ३६ वर्षीय मधु डाँगी र प्युठानको नौबहिनी गाउँपालिका–५ का २७ वर्षीय धनसिंह टमाटा पक्राउ परेका हुन्।
उनीहरूको साथबाट ३ किलो ७५० ग्राम अफिम र ६ फिट ११ इञ्च लामो चितुवाको छाला बरामद भएको दाङ प्रहरीले जनाएको छ।
चितुवाको छाला र अफिमको कारोबार भइरहेको भन्ने सूचनाका आधारमा पुगेको प्रहरीले उनीहरूलाई मंगलबार राति ८ बजे घोराही उपमहानगरपालिका–८ बनगाउँबाट पक्राउ गरिएको प्रहरी उपरीक्षक गणेश चन्दले बताए।
-1732180391.jpg)
-1732099242.jpg)