काठमाडौं उपत्यकामा थपिए १४२८ जना संक्रमित
पछिल्लो २४ घण्टायता काठमाडौं उपत्यकामा १४२८ जना कोरोनाभाइरस संक्रमित थपिएका छन्। आइतबार १५३३ जना संक्रमित थपिएका थिए। स्वास्थ्य तथा जनसंख्या मन्त्रालयका अनुसार उपत्यकामा ७९८ पुरुष र ६३० महिलामा संक्रमण पुष्टि भएको हो।
मन्त्रालयका अनुसार काठमाडौंमा १५९८२, भक्तपुरमा ११४३ र ललितपुरमा २२५९ जना कोरोनाका सक्रिय संक्रमित छन्।
देशभर भने २५७१ जनामा कोरोना संक्रमण पुष्टि भएको छ। यससँगै हालसम्म नेपालमा कोरोना संक्रमित हुनेको संख्या एक लाख ९७ हजार २४ पुगेको छ।
मन्त्रालयका अनुसार हाल मुलुकमा कोरोनाका सक्रिय संक्रमितको संख्या ३६१७४ जना रहेको छ।
त्यस्तै आज १७९८ जना कोरोना संक्रमित निको भएको मन्त्रालयले जनाएको छ। यससँगै नेपालमा कोरोना संक्रमित भएर निको हुनेको संख्या एक लाख ५९ हजार ७२४ पुगेको छ।
साथै ९६७ जना क्वारेन्टिनमा रहेका छन्। नेपालमा हालसम्म १५ लाख ५१ हजार २५४ वटा नमूना पीसीआर परीक्षण गरिएको मन्त्रालयले जनाएको छ।
-1732261651.jpg)
-1732259528.jpg)