काठमाडौं उपत्यकामा थपिए १५३३ जना संक्रमित
पछिल्लो २४ घण्टायता काठमाडौं उपत्यकामा १५३३ जना कोरोनाभाइरस संक्रमित थपिएका छन्। थपिएकामध्ये काठमाडौंका मात्र १२९४ छन्।
स्वास्थ्य तथा जनसंख्या मन्त्रालयका अनुसार भक्तपुरमा ७७ र ललितपुरमा १६२ जना संक्रमित थपिएका छन्।
देशभर भने २८१७ जनामा कोरोना संक्रमण पुष्टि भएको छ। यससँगै हालसम्म नेपालमा कोरोना संक्रमित हुनेको संख्या एक लाख ९४ हजार ४५३ पुगेको छ।
मन्त्रालयका अनुसार हाल मुलुकमा कोरोनाका सक्रिय संक्रमितको संख्या ३५४१९ जना रहेको छ।
त्यस्तै आज २८१२ जना कोरोना संक्रमित निको भएको मन्त्रालयले जनाएको छ। यससँगै नेपालमा कोरोना संक्रमित भएर निको हुनेको संख्या एक लाख ५७ हजार ९२६ पुगेको छ।
-1732261651.jpg)
-1732259528.jpg)