काठमाडौं उपत्यकामा थपिए १३३८ संक्रमित
काठमाडौं उपत्यकामा १३३८ जना कोरोनाभाइरस संक्रमित थपिएका छन्। पछिल्लो २४ घण्टायता उपत्यकामा ७६८ पुरुष र ५७० महिलामा संक्रमण पुष्टि भएको हो।
काठमाडौंमा १५००१, भक्तपुरमा १२४२ र ललितपुरमा २२२६ जना कोरोनाका सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ।
देशभर भने २९०९ जनामा कोरोना संक्रमण पुष्टि भएको छ। यससँगै हालसम्म नेपालमा कोरोना संक्रमित हुनेको संख्या १८८८८३ पुगेको छ।
मन्त्रालयका अनुसार हाल मुलुकमा कोरोना संक्रमितको संख्या ३४९०५ जना रहेको छ। त्यस्तै आज ४५०० जना कोरोना संक्रमित निको भएको मन्त्रालयले जनाएको छ। यससँगै नेपालमा कोरोना संक्रमित भएर निको हुनेको संख्या १५२९०८ पुगेको छ।
साथै १२५४ जना क्वारेन्टिनमा रहेका छन्। नेपालमा हालसम्म १५ लाख १७ हजार ३४३ वटा नमूना पीसीआर परीक्षण गरिएको मन्त्रालयले जनाएको छ।
-1732261651.jpg)
-1732259528.jpg)