फोर्स कमाण्डर हमालले पाए रथीको दर्ज्यानी
प्रधानसेनापति पूर्णचन्द्र थापाले नेपाली सेनाको रथीमा बढुवा भएका ईश्वर हमाललाई दर्ज्यानी चिन्ह प्रदान गरेका छन्। सोमबार सैनिक मुख्यालय जंगी अड्डामा आयोजित कार्यक्रममा प्रधानसेनापति थापाले रथी हमाललाई दर्ज्यानी चिन्ह दिएका हुन्।
हमाल गएको ६ असारको मन्त्रिपरिषद् निर्णयबाट रथीमा बढुवा भएका थिए। हमाल अहिले संयुक्त राष्ट्रसंघको शान्ति स्थापना कार्यअन्तर्गत् सिरियास्थित् युनाइटेड नेसन्स डिसइंगेज्मेन्ट अब्जर्भर फोर्स (उन्डोफ)मा फोर्स कमाण्डरको रूपमा कार्यरत छन्।
उपरथीको रूपमा राष्ट्रसंघको फोर्स कमाण्डरमा छनोट भएका हमाल रथीमा बढुवाको निर्णय हुँदा सिरियामै थिए।
-1732180391.jpg)
-1732099242.jpg)
