थप २३६४ जनामा कोरोना संक्रमण पुष्टि, ३०३८ जना निको भए
नेपालमा पछिल्लो २४ घण्टायता थप २३६४ जनामा कोरोना संक्रमण पुष्टि भएको छ। यससँगै नेपालमा कोरोना संक्रमितको संख्या १ लाख ६४ हजार ७ सय १८ पुगेको छ।
स्वास्थ्य तथा जनसंख्या मन्त्रालयका अनुसार बिहीबार ३०३८ जना कोरोना संक्रमित निको भएका छन्, यससँगै हालसम्म निको हुनेको संख्या १ लाख २४ हजार ८ सय ६२ पुगेको छ।
मन्त्रालयका अनुसार आज ९ हजार ७ सय ६९ जनाको पीसीआर परीक्षण गरिएको छ भने हाल मुलुकमा सक्रिय संक्रमितको संख्या ३८९५२ रहेको छ। त्यस्तै २६८९ जना क्वारेन्टिनमा रहेका छन्।
पछिल्लो २४ घण्टामा थप १७ जनाको कोरोनाबाट मृत्यु भएको छ। यससँगै नेपालमा कोरोनाबाट ज्यान गुमाउनेको संख्या ९०४ पुगेको छ।
-1732261651.jpg)
-1732259528.jpg)