रौतहटमा कोरोना संक्रमितको संख्या दुई हजार नाघ्यो, सक्रिय संक्रमित १८४
रौतहटमा कोरोनाभाइरसका कुल संक्रमितको संख्या दुई हजार नाघेको छ।
सोमबार जिल्लामा ११ जना संक्रमित थपिएसँगै संक्रमितको संख्या दुई हजार ६ पुगेको जिल्ला प्रशासन कार्यालय, रौतहटले जनाएको छ। सक्रिय संक्रमित भने १८४ जना छन्।
जिल्लामा हालसम्म २२ हजार ७२९ जनाको स्वाब परीक्षण गर्दा दुई हजार ६ जनाको रिपोर्ट पोजेटिभ आएको छ भने १७६ जनाको रिपोर्ट आउन बाँकी छ। रौतहटमा कुल संक्रमितमध्ये एक हजार ८११ जना निको भइसकेका छन् भने हालसम्म ११ जनाको मृत्यु भएको प्रमुख जिल्ला अधिकारी इन्द्रदेव यादवले जानकारी दिए।
कोरोना संक्रमणको जोखिम कायमै रहेको भन्दै जिल्ला प्रशासन कार्यालय रौतहटले सावधानी अपनाएर चाड मनाउन जिल्लावासीलाई आग्रह गरेको छ।
-1732180391.jpg)
-1732099242.jpg)
