पछिल्लो २४ घण्टामा कोरोना संक्रमणबाट ५ जनाको मृत्यु
देशभर पछिल्लो २४ घण्टामा कोरोनाभाइरस संक्रमणबाट पाँच जनाको मृत्यु भएको छ। योसँगै संक्रमणबाट मृत्यु हुनेको संख्या ८४७ पुगेको छ।
पछिल्लो २४ घण्टामा देशभरका विभिन्न प्रयोगशालामा १२ हजार ३११ जनाको पीसीआर परीक्षण गर्दा कोरोनाभाइरसका २ हजार ८५६ जना संक्रमित भेटिएका छन्। जसमध्ये काठमाडौं उपत्यकामा मात्रै एक हजार ५३५ जना संक्रमित थपिएका स्वास्थ्य तथा जनसंख्या मन्त्रालयले जनाएको छ।
आइतबार थपिएका संक्रमितसँगै कुल संक्रमितको संख्या एक लाख ५८ हजार ८९ पुगेको छ। जसमध्ये हालसम्म एक लाख ८ हजार ३३४ जना संक्रमणमुक्त भइसकेका छन्। आइतबार मात्र ३ हजार ३३६ जना संक्रमणमुक्त भएका छन्।
हाल देशभर कोरोनाका सक्रिय संक्रमितको संख्या ४५ हजार ५७२ छ। जसमध्ये होम आइसोलेसनमा ३२ हजार ५९३ जना बसेका छन्। यस्तै, २७७ जना संक्रमितको आईसीयू र ६६ जनाको भेन्टिलेटरमा उपचार भइरहेको मन्त्रालयले जनाएको छ।
-1732261651.jpg)
-1732259528.jpg)