थप ५ हजार ७४३ जनामा कोरोना संक्रमण, २ हजार ९९६ जना निको भए
देशभर पछिल्लो २४ घण्टामा कोरोनाभाइरसका ५ हजार ७४३ जना नयाँ संक्रमित थपिएका छन्। स्वास्थ्य तथा जनसंख्या मन्त्रालयका अनुसार, बुधबार थपिएका संक्रमितसँगै कुल संक्रमितको संख्या १ लाख ४४ हजार ८७२ पुगेको छ।
पछिल्लो २४ घण्टामा २ हजार ९९६ जना संक्रमणमुक्त भएका छन्। यो सँगै संक्रमणमुक्त हुनेको संख्या ९९ हजार ६०५ पुगेको छ। संक्रमणमुक्त हुने दर ६८.७ प्रतिशत रहेको स्वास्थ्य मन्त्रालयले जनाएको छ।
बुधबार २० हजार ११८ जनाको पीसीआर परीक्षण गरिएको थियो।
मन्त्रालयका अनुसार, देशभर सक्रिय संक्रमितको संख्या ४४ हजार ४७६ छ। जसमध्ये संस्थागत आइसोलेसन अर्थात् सरकारले व्यवस्था गरेका आइसोलेसनमा १४ हजार ६७६ छन् भने होम आइसोलेसन अर्थात् आफ्नै घरमा बसेका संक्रमितको संख्या २९ हजार ८०० छ।
-1732261651.jpg)
-1732259528.jpg)