काठमाडौं उपत्यकामा थपिए १४०३ संक्रमित
काठमाडौं उपत्यकामा पछिल्लो २४ घण्टायता १४०३ जना कोरोना संक्रमित थपिएका छन्। यसमध्ये काठमाडौंमा मात्र ९९६ जना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार भक्तपुरमा १०२ जना र ललितपुरमा ३०५ जनामा कोरोना संक्रमण देखिएको छ। देशभर भने २६३८ जना संक्रमित थपिएका छन्।
मन्त्रालयका अनुसार हाल मुलुकमा सक्रिय संक्रमितको संख्या ३६३७६ जना रहेका छन्। यसमध्ये संस्थागत आइसोलेसनमा १४८१९ जना र होम आइसोलेसनमा २१५४८ जना रहेका छन्। आजको पीसीआर १३९४७ छ।
हाल क्वारेन्टिनमा ४६६६ जना रहेका छन्। त्यस्तै आईसीयूमा उपचाररतको संख्या ३०५ जना भेन्टिलेटरमा ७० जना उपचाररत रहेका छन्।
त्यस्तै पछिल्लो २४ घण्टामा निको हुनेको संख्या २१७४ जना रहेका छन्। यससँगै हालसम्म कोरोना संक्रमण निको हुनेको संख्या ८०९५४ जना पुगेका छन्।
-1732261651.jpg)
-1732259528.jpg)