आगलागीमा ९ घर जले
सुनसरीको कोशी गाउँपालिका–४ जुद्धगञ्जमा विद्युत सर्ट भई शुक्रबार आगलागी हुँदा ९ घर जलेर नष्ट भएका छन् ।
हावाहुरीका कारण बिजुलीको तार सर्ट भई रहमान मन्सुरीको घरमा आगो लागेको थियो । मन्सुरीको घरबाट आगो फैलँदा छिमेकीका अरु आठ घर जलेको प्रहरीले बताएको छ ।
आगलागीमा ललित मिया, सलिम मिया, फिरोज मिया, मलिम मिया, कलाम मिया, ऐजुक मन्सुरी र कैजुम मन्सुरीको घर जलेर नष्ट भएको प्रहरीले जनाएको छ । इनरुवा, इटहरी, दुहबीबाट गएका बारुणयन्त्र र सुरक्षाकर्मीले आगो नियन्त्रणमा लिएका छन् ।
समयमै आगो नियन्त्रणमा लिइएका कारण बाक्लो बस्ती भएको जुद्धगञ्जमा अरु घर जोगिएको प्रहरीको भनाइ छ ।
विपन्न परिवारका मुस्लिम समुदायको बस्तीमा भएको आगलागीमा खाद्यान्न र लत्ता कपडा जल्दा पीडितलाई समस्या भएको छ । कोशी गाउँपालिकाले पीडितलाई खाद्यान्न राहत वितरण गरेको छ ।
-1732180391.jpg)
