प्रतिनिधि सभा सदस्य सानु सिवाको निधन
प्रतिनिधि सभाकी सांसद सानु सिवा पहाडीको बुधबार निधन भएको छ। उनी संसदको अन्तर्राष्ट्रिय सम्बन्ध समितिकी सदस्य थिइन्।
उनको करीब एक दशक अघि नै दुवै मिर्गौला प्रत्यारोपण गरिएको र केही समयअघि देखि मुटुको समेत समस्या भएको नेकपाकी सांसद सुजिता शाक्यले जानकारी दिइन्।
उनले भनिन्, “मिर्गौला प्रत्यारोपण गरिएको धेरै भएको थियो, मुटुमा पनि समस्या देखिएर गंगालाल अस्पताल पनि उपचार गरेर केही दिन अघि मात्रै केएमसी अस्पतालमा ल्याइएको परिवारबाट जानकारी पाएका थियौं।”
प्रधानमन्त्री केपी शर्मा ओलीले पनि ट्वीट गर्दै आफ्नो पार्टीका तर्फबाट सांसद पहाडीको निधनमा दुःख व्यक्त गरेका छन्। उनको बिहान साढे १० बजेतिर काठमाडौंको सिनामंगलस्थित् केएमसी अस्पतालमा निधन भएको हो।
इलामकी उनी प्रतिनिधि सभामा नेकपाका तर्फबाट समानुपातिक सांसद थिइन्। उनी जनसॉस्कृतिक अभियानकी सक्रिय सदस्य र कलाकार पनि थिइन्।
-1732261651.jpg)
-1732259528.jpg)
