कलानिधि इन्दिरा संगीत महाविद्यालयकी संरक्षक वरिष्ठ शास्त्रीय संगीतकर्मी इन्दिरा श्रेष्ठको निधन
नेपालीको शास्त्रीय संगीत क्षेत्रको उत्थानमा लामो समयदेखि अतुलनीय योगदान पुर्याउँदै आएकी कलानिधि इन्दिरा संगीत महाविद्यालयकी संरक्षक एंव अध्यक्ष इन्दिरा श्रेष्ठको मंगलवार बिहान निधन भएको छ।
कलानिधि इन्दिरा संगीत महाविद्यालयका संरक्षक एंव अध्यक्ष रहेकी श्रेष्ठको ८१ वर्षको उमेरमा मंगलबार बिहान निधन भएको हो। लामो समयदेखि दम, मुटु तथा अल्जाइमर रोगका कारण बिरामी पर्दे आएकी श्रेष्ठ नेपाल महिला संगठनको केन्द्रीय सभापति समेत रहेकी थिइन्।
वि.सं. २०४६ सालदेखि शास्त्रीय संगीत क्षेत्रमा अनवरत लागेकी उनले संगीत विषयमा स्नातकोत्तर गरेकी थिइन्। उनले नेपाली शास्त्रीय संगीतको प्रवर्द्धनका लागि निजी घर समेत चन्दा दिएकी थिईन।
शास्त्रीय गायन, पुस्तक लेखन तथा समाजसेवामा पनि समर्पित श्रेष्ठले विभिन्न मानपदवी र सम्मान पाएकी थिइन् भने शास्त्रीय संगीत विधासम्बद्ध कयौं पुरस्कारहरूको पनि स्थापना गरेकी थिइन्।
श्रेष्ठको मंगलवारै पशुपति आर्यघाटमा अन्त्योष्टि गरिएको छ। उनका एक छोरा र दुई छोरी छन्।
-1732261651.jpg)
-1732259528.jpg)
